Tashaio.com-un “Al-Watan”-a istinadən verdiyi xəbərə əsasən, İŞİD terrorçularının əsarətindən azad edildiklərinə görə minnətdar olan Suriyanın Suveyda əyalətinin sakinləri ölkə prezidenti Bəşər Əsədin rəsmi qəbulu zamanı onu çiyinləri üzərinə qaldırıblar.

Əsəd 3 ay əsirlikdə qalmış suriyalılar və onların ailə üzvləri ilə görüşüb.

Dərc edilmiş videoda bir neçə kişi Əsədi qaldırır, onlar biri isə prezidenti öz çiynində əyləşdirir. Bu əsnada isə qadınların sevinc səsləri eşidilir.

Daha sonra isə otaqda olan şəxslər Əsəd və Suriyanın lehinə şüarlar səsləndirirlər.

Digər bir videoda isə oradakılardan biri Əsədə ərəb qəhvəsi təklif edir. Prezident qəhvəni içib fincanı geri qaytardıqda, fincan ərəb adətinə əsasən yerə çırpılaraq sındırılıb.

Xatırladaq ki, Suriya ordusunun Rusiyanın dəstəyi ilə keçirdiyi əməliyyat nəticəsində noyabrın 8-i İŞİD əsarətindəki 19 nəfər azad edilir. 15 uşaq və 4 uşaq 3 ay boyunda İŞİD terrorçularının əsarətində qalıblar.