ABŞ-ın başçılığı ilə Beynəlxalq koalisiya qüvvələri, Deyr-əz-Zor əyalətinin Hacin qəsəbəsinə hava hücumu edib. Bu haqda "SANA" agentliyi xəbər verir. "Tashaio.com"un "lenta.ru" agentliyinə istinadən verdiyi xəbərə görə, 15 suriyalının öldüyü bildirilir. İddia olunduğu kimi, avia hücum terrorçuların mövqelərini məhv etmək üçün edilmişdir. Bir müddət öncə 31 oktyabr tarixində Rusiya Müdafiə Nazirliyinin nümayəndəsi general-mayor İqor Konaşenkov bildirmişdir ki, beynəlxalq koalisiya başda ABŞ olmaqla, Fəratın şərq hissəsində hücumları zamanı beynəlxalq konvensiyalarla qadağan olunmuş hərbi sursatlardan istifadə edir. Onun sözlərinə görə ötən ay ərzində yaşayış yerlərinə endirilən zərbələr nəticəsində 120-ə yaxın dinc sakin həyatını itirib.