Tashaio.com-un “Russia Today”-ə istinadən verdiyi xəbərə əsasən, İran parlamentinin spikerinin xüsusi yardımçısı və İran XİN mətbuat xidmətinin keçmiş başçısı Hüseyn Əmir-Əbdüllahiyan bəyan edib ki, İsrail İrana qarşı kiçik səhvə belə yol versə, Tel-Əviv və Hayfa yerlə bir ediləcək.

İranlı siyasətçi qalmaqallı bəyanatında İsrail rejiminin Baş naziri Binyamin Netanyahunu BMT Baş Assambleyasında “coşğun və uşaqcasına taktikadan” istifadə etməkdə ittiham edib və bildirib ki, İsrail “yolun sonuna çatıb”.

O həmçinin ərəb ölkələrini ABŞ prezidenti Donald Trampla əlbir olmamağa səsləyib və İranla həmkarlığa dəvət edib. O bildirib ki, ərəb ölkələrinin təhlükəsizliyini ABŞ yox, yalnız İran və Türkiyə təmin edə bilər.