İraqın Bədr hərəkatının baş katibi Hadi Əl-Amiri terror təşkilatlarına qarşı davam edən əməliyyatlarda İŞİD liderlərinin ölü olaraq ələ keçirildiyini deyib.

Tashaio.com Təsnimə istinadən xəbər verir ki, regionda terrorizm ilə mübarizəyə davam edərək, bölgənin təhlükəsizliyini təmin etməyə davam edəcəklərini deyən Amiri, belə danışıb: “Diyalə bölgəsində ölü olaraq ələ keçirdiyimiz İŞİD terror təşkilatının liderləri eyni zamanda regionda təhlükəsizliyi təmin edə bildiyimizi göstərir”.

Əl-Həşduş Şəbinin komandirinin müavini Səccad Abdullah isə bəyanat verərək, İmam Hüseynin (ə) şəhadətinin 40-cı günü münasibətilə keçiriləcək “Ərbəin yürüşü” üçün bütün təhlükəsizlik tədbirlərini həyata keçirdiklərini deyib.

Bütün təhlükəsizlik qüvvələrinin koordinasiyalı şəkildə Ərbəin günü üçün hazır olduqlarını bildirən Səccad Abdullah, belə deyib: “Bəsrədən Kərbəla və Mosula qədər bütün hüquq-mühafizə orqanları hər cür mümkün terror hücumuna qarşı “hazır ol” vəziyyətindədir”.