Tanınmış rejissor Həzrət Xədicə (s.ə) haqqında film çəkəcək
Posted on :
Əqidələr
10/16/2018
Filmin çəkilməsində əsas məqsəd Həzrə Xədicə (s.ə) haqqında dünya ictimaiyyətinə vizual olaraq məlumat çatdırmaqdır
Peyğəmbərin (s) sevimli həyat yoldaşı Həzrət Xədicənin (s.ə) həyatından bəhs edən film çəkiləcək.
Tashaio.com xəbər verir ki, bu barədə tanınmış rejissor Davud Mirbaqiri deyib.
Onun sözlərinə görə, hazırda filmin ssenari və strukturu üzərində işlər yekunlaşmaq üzrədir.
Yaxın zamanlarda filmin çəklişləri üçün məkanlar və dekorasiya işləri başlayacaq.
D.Mirbaqiri qeyd edib ki, filmin çəkilməsində əsas məqsəd Həzrə Xədicənin (s.ə) məqamını tanıtdırmaq, dünya ictimaiyyətinə o möhtərəm xanım haqqında vizual olaraq məlumat çatdırmaqdır.
Qeyd edək ki, ssenari yazılan zaman tarixi araşdırmaçılar və İslam alimlərinin rəyi nəzərə alınıb.
Xatırladaq ki, rejissor Davud Mirbaqiri bundan əvvəl “İmam Əli (ə)”, “Rey musafiri”, “Muxtarnamə”, “İtirilmiş ismət” və bir sıra digər İslam tarixindən bəhs edən məşhur filməri çəkib.