BMT Səudiyyə Ərəbistanına itən jurnalistlə bağlı çağırış etdi
Posted on : Digər sahələr 10/09/2018
Birləşmiş Millətlər Təşkilatı (BMT) "Vaşinqton Post" yazarı, Səudiyyə Ərəbistanı vətəndaşı olan jurnalist Camal Qaşıqçının itməsinə dair Səudiyyə Ərəbistanını Türkiyə ilə əməkdaşlıq etməyə çağırıb.
Birləşmiş Millətlər Təşkilatı (BMT) "Vaşinqton Post" yazarı, Səudiyyə Ərəbistanı vətəndaşı olan jurnalist Camal Qaşıqçının itməsinə dair Səudiyyə Ərəbistanını Türkiyə ilə əməkdaşlıq etməyə çağırıb.
Tashaio.com bildirir ki, BMT-nin İnsan Hüquqları Üzrə Ali Komissarlığının sözçüsü Ravina Şamdasani verdiyi açıqlamada, "jurnalist Camal Qaşıqçının Səudiyyə Ərəbistanının İstanbul Baş Konsulluğunda itməsindən ciddi narahatıq", - deyə bildirib.
Şamdasani, "Qaşıqçının öldürüldüyü barədə mətbuatda dərc olunan xəbərlərin doğru olması vəziyyətində, bu həqiqətən şokedici hadisə olacaq", - dey vurğulayıb.
"Qaşıqçının itməsinə dair Səudiyyə Ərəbistanı və Türkiyəni operativ, bitərəf və müstəqil istintaq üçün iş birliyinə dəvət edirik", - deyən Şamdasani, istintaq nəticələrinin ictimaiyyətə açıqlanmasını istəyib.