Səudiyyə rejiminin vəliəhd şahzadəsi Məhəmməd bin Salmanın Rusiyanın 19 ildən sonra neft bazarından çıxacağı ilə bağlı sözlərinə, Rusiyadan cavab gecikməyib.

Tashaio.com xəbər verir ki, Rusiya Dumasının Enerji Komitəsinin sədr müavini İqor Ananşkix Sputnik-ə verdiyi müsahibəsində, Səudiyyə rejiminin gələcək kralının iddiasına belə cavab verib: “Bu şahzadənin şirin yuxusudur, çünki Rusiya Federasiyasının neft bazarından çıxması üçün hər hansı bir zəmin yoxdur. Kifayət miqdarda ehtiyatlar mövcuddur, eləcə də şirkətlər də inkişafa fəal sərmayə yatırır. Bu səbəblə bunun (şahzadə) belə gördüyü nağıl kimi bir yuxu olduğundan, başqa deyəcək hər hansı bir söz yoxdur”.

Rusiyanın energetika naziri Aleksandr Novakin açıqladığı məlumatlara görə, Rusiyadakı neft hasilatı sentyabrda orta hesabla gündə 11.35 milyon barrel təşkil edib. OPEK hər il nəşr etdirdiyi World Oil Outlook proqnozunda Rusiyadakı neft hasilatının 2035-ci ildə gündə 10.2 milyon barrel, 2040-da isə 10.1 milyon barrel olacağını bildirmişdi.