İranın Siyasi Məsləhət Şurasının katibi Möhsün Rızai İnqilab Keşikçilərinin Əhvazda terror hadisəsini törədən təşkilata edilən raket əməliyyatı barədə açıqlma verib.

Tashaio.com İRNA-ya istinadən xəbər verir ki, Möhsün Rızai Twitter-dən verdiyi açıqlamasında belə qeyd edib: “İnqilab Keşikçiləri tərəfindən Əhvaz hadisəsini törədən terrorçuların mövqelərinə atılan raket hücumu sadəcə kiçik bir çırtmadır. Terror təşkilatına vurulacaq ağır zərbə hələ yoldadır”.

İranın İnqilab Keşikçiləri Ordusu keçən həftə Əhvaz şəhərində hücum təşkil edən terror təşkilatının komandirlərinin yerləşdiyi mövqeləri yer-yer ballistik raketlə vurub. Gecə yarısı Suriyada Fəratın şərqinə edilən bu raket hücumu İnqilab Mühafizəçiləri Hava-Kosmik Raket Qoşunları tərəfindən həyata keçirilib.