Tashaio.com-un RİA-ya istinadən verdiyi xəbərə əsasən, Suriya prezidenti Bəşər Əsədin mətbuat xidmətindən bildiriblər ki, suriyalı lider Rusiya prezidenti Vladimir Putinlə keçirdiyi telefon danışığı zamanı İdlib əyalətində silahsızlaşdırılmış zonanın yaradılması haqda sazişi müzakirə edib. Əsəd İl-20 hərbi təyyarəsinin qəzaya uğraması ilə bağlı Putinə başsağlığı verib.

“Prezidenti Bəşər Əsəd Rusiya prezidenti Vladimir Putinlə telefon danışığı keçirib. Onlar son siyasi hadisələri və İdlib sazişini, həmçinin bu sazişin həyata keçirilmə üsulunu müzakirə ediblər.”, - deyə mətbuat xidmətindən qeyd ediblər.

“Əsəd Putin və Rusiya xalqına İl-20 hərbi təyyarəsinin qəzaya uğraması ilə əlaqədar başsağlığı verib.”, - deyə əlavə edilib.

Xatırladaq ki, Bəşər Əsəd daha öncə Putinə İl-20 ilə əlaqədar teleqram göndərmişdi.