header

 Ayətullah Amili: “Azəri hüseynçilərin builki şüarı İmam Hüseynin (ə) “Mən sizə örnəyəm” sözüdür”

“İmam Hüseynin üç əsas mesajı var: Birincisi saleh rəhbərin vacibliyi, ikincisi isə son damla qana qədər zülm və istibdadla mübarizədir. İmam buyurur ki, mən tağuta beyət etmədim, siz də etməyin.

Ayətullah Amilinin cümə çıxışından:
“İmam Hüseynin üç əsas mesajı var: Birincisi saleh rəhbərin vacibliyi, ikincisi isə son damla qana qədər zülm və istibdadla mübarizədir. İmam buyurur ki, mən tağuta beyət etmədim, siz də etməyin. Dünya azəriləri şəhidlər ağasının bu əmrinə tabe olub tağuta beyətdən çəkinməlidirlər.Üçüncü mesaj xar olmamaq, hegemonluğu qəbul etməmək, bütün əzizlərin öldürülsə, bütün dünya üstünə gəlsə belə, başıdik durmaqdır. Kərbəlada düşmənin cinayəti çoxaldıqca Hüseynin sözləri daha da mübarizləşirdi. İmam Hüseyn mühasirəyə düşəndə də qələbədən danışdı, başıuca dayandı, buyurdu ki, məni öldürə bilərsiniz, amma izzətimi və başucalığımı ala bilməzsiniz.Dünya azəriləri harada olsalar, başıuca olmalı, izzətlə yaşamalı, izzətlə ölməli, rəzilliyi qəbul etməməli və “Zillət bizdən uzaqdır” sözünü əməldə göstərməlidirlər. İmam Hüseyn atası Əli kimi buyurur: “Ölüm olar, xarlıq isə olmaz! Qənaət olar, əl açmaq isə olmaz!” Bunlar qlobal şüarlardır və müasir dünyanın bunlara çox ehtiyacı var”.Ayətullah Amili sözünə belə davam edib:“Bu həftə ABŞ-ın BMT-dəki daimi nümayəndəsi belə bir söz işlətdi: “Biz iranlıları elə boğacağıq ki, bütün silahlarını gətirib təhvil verəcəklər”. Onlar 40 ildir “sizi boğarıq” deyirlər. Mən bu xanıma bir misalla cavab vermək istəyirəm. Bir uşağın əlində çox qiymətli bir bıçaq vardı. Bir kişi uşağı aldadıb bıçağı ondan almaq üçün öz ağız-burnunu əydi, sir-sifətini turşutdu. İstəyirdi ki, uşaq qorxub bıçağı ona versin. Amma uşaq bunu görüb dedi: “Qorxma, başını kəsməyəcəyəm”. Bu xanıma deyirəm ki, Kərbəla və Aşura haqda mütaliə elə, bizimlə hansı leksikonda danışmalı olduğunu öyrən”.Kərbəla şüarlarında izzət amilindən danışan xətib dedi:“İzzət və başucalığı məsələsi heç bir inqilabda Aşura hərəkatı qədər deyil. Ölüm qorxusu gedəndən sonra başucalığı və qəhrəmanlıq gəlir.Hegemon başçılar bu üç mesajdan çox qorxurlar. Onlar Hüseyndən, hüseyniyyədən, Aşuradan, əzadarlıqdan da buna görə qorxurlar. Biz bu üç mesajı dünyaya çatdırmalıyıq. Bunun yeri böyük toplantılardır. Bütün dünya azəriləri tasua və aşura günlərində böyük toplantılar təşkil etsinlər.Əzadarlıq ilahi şüarlardandır. Şüar gizli ola bilməz. Bəzi müctəhidlər deyirlər ki, qalanın qapısını bağlayıb içində cümə namazı qılmaq bu namazın şüar xüsusiyyətinə ziddir və belə namaz batildir. Allah-Taala bizim bir yerə toplaşmağımızı istəyir. Hüseyn bizdən toplantı istəyir. Bu toplantı Ləbbeyk toplantısıdır. Biz imamın hər üç mesajına ləbbeyk deyirik.
“İmam Hüseynin üç əsas mesajı var: Birincisi saleh rəhbərin vacibliyi, ikincisi isə son damla qana qədər zülm və istibdadla mübarizədir. İmam buyurur ki, mən tağuta beyət etmədim, siz də etməyin.
admin
Date published: 12:00
10 / 10ScaleMaximum stars
Starts: 09-16-2018
Ends: Duration:
P.O. Box:
Ardabil,
Iran


Post a comment Related content

Send
Tashaio.com
SiteMap