İran Xarici İşlər Nazirliyinin mətbuat katibi Bəhram Qasımi İranın heç vaxt İraqın daxili işlərinə qarışmayacağını vurğulayıb.

Tashaio.com xəbər verir ki, Bəhram Qasımi İraq milli təhlükəsizlik müşaviri Falih Fəyyazın bu ölkənin Baş naziri tərəfindən vəzifədən alınmasının İraqın daxili məsələsi olduğunu bildirib.

Mətbuat katibi Qasımi bu məsələnin tamamilə İraqın daxili işlərilə bağlı olduğunu, İranın heç vaxt bu cür məsələlərə müdaxilə etmədiyini ifadə edib.

Qasımi İran İslam Respublikası üçün təhlükəsiz, inkişaf etmiş və vəhdət içində olan bir İraqın hər şeydən daha əhəmiyyətli və daha prioritet olduğunu qeyd edib.

Bəhram Qasımi: “İran heç vaxt İraqın daxili işlərinə qarışmır”