İranın xarici işlər nazirinin müavini Seyid Abbas Əraqçi Avropanın Hərtərəfli Birgə Fəaliyyət Planının (JCPOA) qorunması üçün siyasi öhdəliyinin güclü olduğunu deyib.

Tashaio.com İRNA-ya istinadən xəbər verir ki, Əraqçi Tehranda Avropa ölkələriin nümayəndələri ilə görüşdükdən sonra, İnstagram səhifəsindən belə bir açıqlama verib: “Avropanın JCPOA-nın qorunması üçün siyasi öhdəliyi güclüdür və müzakirələr operativ həll yolu tapmaq üçün davam etməkdədir”.

Amerikanın nüvə sazişindən çıxdığını elan etməsindən sonra, Aİ və Avropa ölkələri dəfələrlə JCPOA-nın qorunmasının vacibliyinə təkid ediblər. JCPOA-ya üzv olan ölkələr bu istiqamətdə və İranın iqtisadi mənafelərinin qorunması üçün təklif paketi hazırlayıblar.