Tashaio.com-un “As-Sumaria” telekanalına istinadən verdiyi xəbərə əsasən, İŞİD terror təşkilatının lideri Əbu Bəkr əl-Bağdadi ağır yaralanıb və hal-hazırda yatağa bağlıdır.

KİV-lərin məlumatına görə, İraq Hərbi Hava Qüvvələri (HHQ) hələ iyun ayında Suriyada terrorçuların liderlərinin toplaşdığı yerə zərbə endirib. Zərbə nəticəsində terrorçuların əksəriyyəti hadisə yerindəcə məhv edilib, bəziləri isə yaralanıb. Xəsarət alan terrorçular arasında əl-Bağdadinin də olduğu qeyd edilir. Onun kliniki ölüm keçirdiyi və terror təşkilatında öz vəzifələrini yerinə yetirmək qabiliyyətini itirib.

Hazırda əl-Bağdadinin səlahiyyətlərini Tunisdən olan Əbu Usman ət-Tunisi icra edir. Lakin ət-Tunisinin İŞİD liderliyinə namizədliyi  hamını qane etməyib. Onun əl-Bağdadinin vəfizələrini icra etməsi təşkilat sıralarında parçalanmaya səbəb olub və hal-hazırda İŞİD terrorçuları arasında daxil çaxnaşmadır və liderlik uğrunda mübarizə gedir.