Yıldırım: ABŞ Türkiyəyə qarşı təhdid və təzyiqlərə son qoymalıdır
Posted on : Digər sahələr 08/14/2018
Yıldırım deyib ki, Türkiyə parlamenti hökumətin ehtiyac duyğudu istənilən qanunu qəbul etməyə hazırdır.
Tashaio.com-un “Anadolu”-ya istinadən verdiyi xəbərə əsasən, Türkiyə parlamentinin spikeri Binali Yıldırım bəyan edib ki, siyasi məqsədlərə nail olmaq üçün Türkiyəyə edilən iqtisadi təzyiq heç bir nəticə verməyəcək. Bunu Türkiyənin həm dostları, həm də düşmənləri bilməlidir.
Onun sözlərinə görə, milli valyutanın dəyər itirməsi iqtisadi səbəblərdən deyil. Valyuta bazarındakı proseslərin səbəbi siyasidir.
Yıldırım deyib ki, Türkiyə parlamenti hökumətin ehtiyac duyğudu istənilən qanunu qəbul etməyə hazırdır.
Parlament spikeri qeyd edib ki, ABŞ rəhbərliyi rəsmi Ankara ilə münasibətlərdə olan böhranın həlli yollarını axtarmalı və Türkiyə qanunvericiliyinə hörmət etməlidir, Ağ ev başçısının təzyiq, sanksiya və məsuliyyətsiz “tvit”ləri ilə istədiklərinə nail olmağa çalışmamalıdır.
“İkitərəfli münasibətlərdəki gərginliyin yoluna qoyulması üçün hələ də şans var. Bu istiqamətdə tutarlı ilk addımı ABŞ tərəfi atmalıdır.”, - deyə o vurğulayıb.