Fələstin Səhiyyə Nazirliyinin sözçüsü doktor Əşrəf Əl-Kudra İsrail rejiminin əsgərlərinin cümə günü (10 avqust) keçirilən “Böyük qayıdış və mühasirəni yarma yürüşü” tədbirlərinin iştirakçılarını bilərək və qəsdən hədəfə aldığını bildirib.

Tashaio.com Palinfo-ya istinadən xəbər verir ki, doktor Əşrəf Əl-Kudra xəstəxanalara aparılan yaralıların aldıqları yaraların forması və istifadə edilən mərmilərin xarakterlərinin İsrail rejiminin bilərək və qəsdən nümayişçiləri hədəfə aldığını göstərdiyini deyib. O, İsrail rejiminin müxtəlif silah növlərindən istifadə edərək və hədəfdəki şəxslərin həssas nöqtələrini vurması bunu sübut etdiyini bildirib.

“Bunun nəticəsində dünən keçirilən nümayişlərdə 3 nəfər şəhid oldu, 28-i uşaq olmaqla 307 nəfər də yaralandı”, - deyə o bildirib.

Kudra İsrail rejimi qüvvələrinin bütün dünyada tanınan səhiyyə nişanı və emblemləri daşıdıqları üçün aydın görünən və sərbəst olmalarına baxmayaraq, səhiyyə işçilərini də xüsusilə vurduğunu xatırladaraq, belə danışıb: “Yoldaşları ilə birlikdə səhiyyə işçilərinin olduqlarını göstərən paltarlar geyinən və yaralılara müdaxilə kimi humanist bir vəzifəni yerinə yetirən həkim Abdulla Əl-Atati snayperlər tərəfindən ürəyinə yaxın bir yerdən vuruldu. İsrail rejiminin qüvvələri dünən yaralılara müdaxilə edən səhiyyə dəstələrinə hücum edib, birini şəhid etdi, beşini də yaraladı. Yenə bütün dünyada səhiyyə qrupları kimi, döyüşlərdə toxunulmazlıqları olan iki feldşer də üzərindəki işarə və emblemlərə baxmayaraq, hədəfə alınaraq vuruldu”.

Fələstin Səhiyyə Nazirliyi İsrail rejiminin səhiyyə işçilərini və sanitar maşınları hədəfə almasını şiddətlə qınadığını bəyan edib.