Tashaio.com-un “Pajhwok” agentliyinə istinadən verdiyi xəbərə əsasən, Əfqanıstanın şimalında İŞİD beynəlxalq terror təşkilatının yerli qanadının başçısı Məvladi Həbib, həmçinin 200 terrorçu silahı yerə qoyaraq, təslim olmağa razılıq veriblər.

Terrorçular Cauzcan əyalətinin Dərzab rayonunda silah və hərbi sursatları təhvil veriblər.

Qeyd edilir ki, son aylar Dərzab İŞİD və “Taliban” terrorçuları arasında şiddətli döyüşlər meydanına çevrilib.

Bu döyüşlər nəticəsində hər iki tərəfdən ən azı 300 terrorçu məhv olub.