İranın yüzdən çox hərbi gəmisi Fars körfəzini bağlayacaq
Posted on : iran 08/02/2018
ABŞ-ın hərbi mənbələrinə istinadən verdiyi xəbərə əsasən, təlimlərdə yüzdən çox gəmi və çox sayda hərbçi iştirak edəcək.
Tashaio.com-un “Islam Today”-ə istinadən verdiyi xəbərə əsasən, İran yaxın günlərdə Fars körfəzində son illərin ən böyük hərbi-dəniz manevrlərini keçirmək niyyətindədir.
İlkin məlumata görə, təlimlərim hədəfi Hörmüz boğazının qapadılmasıdır. Qeyd edək ki, dünya bazarında satılan neftin 20 faizi adıçəkilən boğazdan keçərək ixrac edilir.
ABŞ-ın hərbi mənbələrinə istinadən verdiyi xəbərə əsasən, təlimlərdə yüzdən çox gəmi və çox sayda hərbçi iştirak edəcək.
Maraqlıdır ki, manevrlərin başlama tarixi ABŞ sanksiyalarının bərpası günü ilə üst-üstə düşür.
Xatırladaq ki, İranın hərbi rəsmisi bir müddət öncə bildirmişdi ki, Hörmüz boğazını bağlamağa hazırdırlar. O qeyd etmişdi ki, əgər İran neftinin ixracının qarşısı alınarsa, o zaman bu addım atılacaq.