Tashaio.com-un “Islam Today”-ə istinadən verdiyi xəbərə əsasən, bu günlərdə İsrail rejiminin paytaxtı Tel-Əviv şəhərində qeyri-adi aksiya keçirilib. Burada minlərlə insan genişmiqyaslı ərəb dili dərsində toplaşıb.

Qeyd edilir ki, burada toplaşan insanlar bu yolla ərəb dilinin rəsmi dil statusunun ləğv edilməsinə etirazlarını bildiriblər.

Aksiya təşkilatçıları əhalinin hər təbəqəsindən olan iştirakçılara öz lüğət ehtiyatlarını artırmağı təklif ediblər.

Aksiyada yəhudi və ərəb musiqiçilər də çıxış ediblər.

Xatırladaq ki, hazırda 8 milyonluq İsrail əhalisinin 20 faizini ərəblər təşkil edir.