"Möminlərdən – üzürlülər istisna olmaqla – (evdə) oturanlarla Allah yolunda öz malları və canları ilə cihad edənlər eyni olmazlar. Allah öz malları və canları ilə cihad edənləri (evdə) oturanlardan dərəcə etibarilə üstün etdi. Allah (onların) hamısına ən gözəl nemət vəd etmişdir. Allah mücahidləri (evdə) oturanlardan böyük bir mükafatla üstün etmişdir." (Nisa, 95).

İzah: Quran məntiqində heç zaman malı və canı ilə dini müdafiəyə qalxan cihadçılarla rifah içində yaşayan və rahatlığı sevənlər bir deyil. Buna görə də mücahidlərə və onların ailələrinə hörmət İslamın ən aydın göstərişlərindəndir.

Hədis: İslam peyğəmbəri (s): “Cənnətdə mücahidlərin qapısı adlanan bir qapı var. Birdən o qapı açılır və mücahidlər öz qılıncları ilə oradan daxil olurlar. Halbuki digər camaat hələ də haqq-hesaba çəkilir.” (Kafi, c. 5, səh. 2, hədis: 2).