Tashaio.com-un RİA-ya istinadən verdiyi xəbərə əsasən, ABŞ prezidenti Donald Tramp İran prezidenti Həsən Ruhaniyə 8 dəfə görüş təklifi etsə də, Ruhani hər dəfəsində bu təklifləri rədd edirdi. Bunu İran prezident administrasiyasının başçısı Mahmud Vaezi bildirib.

“Deyirlər ki, iranlılar əvvəl-axır ABŞ-la kontakta girmək məcburiyyətində qalacaq, lakin, indiyədək bu əksinə olub. Prezident (Ruhaninin) BMT Baş Assambleyasında (BA) iştirak etmək üçün Nyu-Yorka etdiyi ötən ilki səfəri zamanı məhz Tramp görüş və söhbətlə bağlı olaraq 8 dəfə Ruhani ilə əlaqə qurub, lakin bu heç bir nəticə verməyib.”, - deyə Vaezi qeyd edib.