İyulun 13-ü Nigeriyada minlərlə insan paytaxt Abucada Qərb ölkələrinə məxsus səfirliklərin qarşısında nümayiş keçirərək, Nigeriya İslami Hərəkatının lideri Şeyx İbrahim Zəkzəkinin azadlığa buraxılmasını tələb ediblər.

Deyerler.org İslamicmovement-ə istinadən xəbər verir ki, mitinqlər paytaxtdakı Milli Məclisin binası qarşısında da keçirilib.

Nigeriya İslami Hərəkatının mətbuat ofisinin üzvü olan siyasi fəal Twitter səhifəsində Abucada keçirilən mitinqə aid fotolar paylaşaraq, Şeyx Zəkzəkinin minlərlə tərəfdarının onun azadlığa buraxılmasını istədiyini bildirib.

Nigeriyalılar Amerika, Böyük Britaniya və Kanada səfirliklərinin qarşısında mitinq keçiriblər. Nümayişçilər Nigeriya ordu qüvvələrinin iki il yarım əvvəl Şeyx Zəkzəkinin evinə hücum etdiyini, oğlanlarını öldürdüyünü, onu və xanımını həbs etdiyini bildiriblər.

Mitinq iştirakçıları bu hücumda Şeyx Zəkzəki və xanımını müdafiə etmək istəyənlərin də rejimin qüvvələri tərəfindən öldürüldüyü bildirilib.

İyulun 13-ü daha bir mitinq Nigeriya parlamentinin qarşısında keçirilib. Nümayişçilər hökumətdən Şeyx Zəkzəkiyə qarşı özbaşınalıqları dayandırmasını tələb ediblər.

Dünən paytaxt Abucadakı Milli məsciddən çıxan yüzlərlə gənc də “Şeyx Zəkzəkiyə azadlıq!” şüarlara ilə paytaxtda mitinq keçiriblər.

Deyerler.org