Sionist İsrail rejimi Qəzzanı yenidən bombalamağa başladı
Posted on : Digər sahələr 07/14/2018
Sionist İsrail rejiminin döyüş təyyarələri Qəzzanı yenidən bombardman etməyə başlayıblar.
Sionist İsrail rejiminin döyüş təyyarələri Qəzzanı yenidən bombardman etməyə başlayıblar.
Tashaio.com Palinfo-ya istinadən xəbər verir ki, sionist İsrail rejiminin döyüş təyyarələri iyunun 14-ü HƏMAS-ın hərbi qanadı olan İzzəddin Əl-Qəssam briqadalarının Qəzzanın Səlahəddin bölgəsindəki mövqelərinə 5 ədəd raket atıblar.
Sionist İsrail rejiminin döyüş təyyarələri İzzəddin Əl-Qəssam briqadalarının Rifah şəhərindəki boş bir qərargahını da bombalayıblar. Atılan bombaların hədəfi vurmadığı bildirilib.
Sionist İsrail rejiminin döyüş təyyarələri Qəzzanın Hayyuz Zeytun bölgəsində İslami Cihada aid bir təhsil mərkəzini də bombalayıb. Atılan raketlərə görə hər hansı bir tələfatın baş vermədiyi qeyd olunub.
İsrail rejiminin təyyarələri müqavimət qüvvələrinin Beytlahiya bölgəsindəki müşahidə qülləsinə 10 ədəd raket atıblar. Mücahidlərin qülləni vaxtında tərk etmələrinə görə, hücumda tələfat qeydə alınmayıb.
Qəzzadakı müqavimət qüvvələri də sionist İsrail rejiminiin hava hücumuna dərhal raketlərlə cavab verərək, İsrail rejiminin Sderot, Askalan, Meflesim, Yuheyni, Zekihim, Karmiya, Kirim Şalom və Neqev qəsəbələrini 19 ədəd Qrad raketilə vurub.
Müqavimət qüvvələri İsrail rejiminin Aynu Salis və Nirim qəsəbələrini də 8 ədəd 107 raketi atıblar. Atılan raketlər səbəbindən qəsəbələrdə şiddətli partlayış səslərinin eşidildiyi bildirilib.
Qəzzadakı müqavimət qüvvələri İsrail rejiminin Erez, Zekim, Kərəm Əbu Səlim və Savfa hərbi bazalarını 18 ədəd 120 mm-lik minaatan bombaları ilə vurub.