Tashaio.com-un “Russia Today”-ə istinadən verdiyi xəbərə əsasən, İranın Mülki Müdafiə üzrə Baş İdarəsinin başçısı briqada generalı Qulam Reza Cəlali bildirib ki, ölkədəki iqlim dəyişikliyində xarici ölkələrin əli ola bilər.

“İsraildə və daha bir qonşu ölkədən olan birləşmiş qrup İrana düşən buludları boşaldırlar. Bundan başqa, dəfələrlə qar və bulud oğurluğu halları ilə üzləşirik.”, - deyə o qeyd edib.

Onun sözlərinə görə, İranın bir neçə elmi mərkəzi də xarici ölkələrin İranın ətraf mühitinin vəziyyətinin əlverişsiz olmasındakı rolunu təsdiqləyib.

Cəlali deyib ki, Əfqanıstandan Aralıq dənizinə qədər olan ərazidəki iqlimi 4 il ərzində tədqiq etmiş araşdırmaçılar belə nəticəyə gəliblər ki, 2200 metrdən yuxarı yüksəkliklər, İran istisna olmaqla, qar örtüyü ilə örtülüb.