Yəmənin Ənsarullah Hərəkatının Siyasi Büro üzvü Zeyfullah Şami Səud rejiminin İranı ittiham edərək Yəmən müharibəsində məğlubiyyətlərini ört-basdır etməyə çalışdığını bildirib.

İslamazeri.com xəbər verir ki, "Al-Mayadeen" kanalına müsahibə verən Şami Hudeydə müharibəsi təcavüzkar işğalçı Səud rejimi və tərəfdaşları ilə Yəmən xalqı arasındakı döyüşdə tale həlledici döyüş olduğunu bildirib.

Şami düşmən nə vaxt müharibə cəbhələrində məğlubiyyətə uğrayacaq olursa həqiqətləri tərs göstərməyə və ya İran kimi ölkələrə ittihamlar edərək ictimai rəyi yanıltmağa çalışdığını, Yəmənin heç bir ölkədən hərbi yardım gözləmədiyini və bir tək Allahdan mədət ümid etdiklərini, beynəlxalq aləmdən isə Səud ittifaqının Yəmən təcavüzünə qarşı realist mövqe tutmasını gözlədiklərini vurğulayıb.