Associated Press BƏƏ-nin yəmənli məhbuslara qarşı qorxunc cinsi işkəncələrinin üstünü açıb
Posted on : Digər sahələr 06/21/2018
Associated Press bundan öncə Birləşmiş Ərəb Əmirliyinin zabitlərinin Yəməndə idarə etdiyi həbsxanalarının sayını və yerni açıqlamışdı. Növbəti mərhələdə isə məxfi və cinsi işkəncələrin olduğu daha 5 həbsxana aşkarlanıb.
İslaminSesi.info Associated Press-ə istinadla xəbər verir ki, Yəməndə yeni aşkarlanan həbsxanalarda BƏƏ zabitləri tərəfindən şiddətli şəkildə cinsi işkəncələrin olduğu ortaya çıxıb.
Mənbə xəbər verir ki, Ədən şəhərində yerləşən həbsxanadakı məhbuslar, etirafların əldə edilməsi üçün və daha sonra onların müxtəlif əməliyyatlara və planlara sövq etdirilməsi üçün cinsi işkəncələrə məruz qalıblar.
İşkəncələrin ötən mart ayında Ədən şəhərində yerləşən həbsxanaya gələn 15 BƏƏ zabiti tərəfindən həyata keçirildiyi bildirilib.
Associated Press Ədənin Bir-Əhməd həbsxanasında olan məhbuslardan yüzlərləsinin cinsi işkəncələrə və istismara məruz qaldığını deyib.
Xatırladaq ki, Səudiyyə, BƏƏ və onların koalisiyası 2015-ci ilin mart ayından Yəməndə legitimliyi bərpa etmək bəhanəsilə bu ölkəyə hücuma keçiblər. Bu hücum nəticəsində 25 min mülki şəxsin həlak olduğu bildirilir.
