Prezident Ruhani İranın Hindistanla ikitərəfli münasibətlərini inkişaf etdirməyə və strateji əməkdaşlığa hazır olduğunu bildirib.

İslamazeri.com İran mediasına istinadən xəbər verir ki, İran Prezidenti Həsən Ruhani Çində keçirilən Şanxay Əməkdaşlıq Təşkilatı sammiti əsnasında Hindistan Baş naziri Narendra Modi ilə görüşüb.

Ruhani görüşdə Hindistanın Çabahar limanını inkişaf etdirmə layihəsinə tərəfdaş olmasını müsbət qarşıladıqlarını bildirərək, bu limanın Hindistanı Əfqanıstan və Mərkəzi Asiya respublikalarına və oradan Şərqi Avropaya bağlayan körpü mövqeyində olduğunu və iki ölkə arasında münasibətlərin inkişafına töhfə verəcəyini, İranın Hindistanla strateji əməkdaşlığa hazır olduğunu bildirib.

Görüşdə Modi də Yeni Dehli rəhbərliyinin Tehran ilə münasibətlərini inkişaf etdirmək istədiklərini bildirib.