Snouden: Tramp Putindən çox heç kəsi sevmir
Posted on : Digər sahələr 05/27/2018
Amerika Milli Təhlükəsizlik Agentliyinin keçmiş əməkdaşı Edvard Snouden bəyan edib ki, ABŞ prezidenti Donald Tramp Rusiya prezidenti Vladimir Putindən çox heç kəsi sevmir.
FaktXəbər-in məlumatına görə, bu barədə "The Huffington Post" xəbər verib.
"Dünyada elə bir insan tapmaq olmaz ki, Tramp onu Rusiya prezidentindən çox istəsin.. Ancaq düşünürəm ki, Müllerin istintaqının Trampa qarşı obyektiv sübutlar tapacağı ümidi ilə insanlar çox şey istəyir", - deyə o, bəyan edib.
Snouden həmçinin Trampın Rusiya xüsusi xidmət orqanları tərəfindən ələ alına biləcəyi məsələsinə şübhə ilə yanaşıb.
Onun fikrincə, cümlənin sonunda nə demək istədiyini xatırlamayan insanın uğurlu Rusiya casusu olacağı ehtimalı çox azdır.
Bunun yanında Snouden Trampın Moskva ilə əməkdaşlıq arzusunu istisna etməyərək, ABŞ prezidentinin hədəfə çatmaq üsün çox şeyə gedə biləcəyini vurğulayıb.