KXDR-dən ABŞ vitse-prezidentinə: Axmaq və cahil
Posted on : Digər sahələr 05/24/2018
Koreya Xalq Demokratik Respublikasının (KXDR) xarici işlər nazirin müavini Choe Son-hui bəyan edib ki, Ağ Ev rəhbəri Donald Trampla Şimali Koreya lideri Kim Çen In arasında 12 iyunda planlaşdırılan zirvə toplantısında iştirakla bağlı məsələyə yenidən baxılacaq.
FaktXəbər bildirir ki, bu barədə Şimali Koreyanın rəsmi xəbər agentliyi "KCNA" məlumat yayıb.
KXDR-in XİN rəhbərinin müavini Birləşmiş Ştatların vitse-prezidenti Mayk Pensenin, "Şimali Koreyanı Liviyanın aqibəti gözləyir" açıqlamasınna cavab verib və onu "axmaq və cahil" adlandırıb. O, əlavə edib ki, Pense Şimali Koreyanın durumunu qətiyyən anlamır.
ABŞ-a dialoq üçün heç vaxt yalvarmayacaqlarını ifadə edən KXDR rəsmisi qeyd edib ki, iki ölkə arasında danışıqların baş tutması ABŞ-ın davranışlarına bağlıdır.
