Tramp, Putin, Kim, Merkel və digərlərinə müraciətlə Ramazan ayı nəğməsi - Video
Posted on : Digər sahələr 05/22/2018
Video Küveytin Zain mobil operator şirkəti tərəfindən hazırlanıb. Burada azyaşlı oğlan mübarək ramazan ayının işığında dünyanın aparıcı ölkələrinin dövlət başçılarına müraciət edərək ərəb dünyasındakı bəzi böhranları, müharibələr nəticəsində yaranmış qaçqın axını problemini, Rohinca müsəlmanlarının uğradıqları zülmləri nümayiş etdirir və sülhə, həllə çağırır. Nəğmə "Qüds Fələstinin paytaxtıdır" bəyanatı ilə yekunlaşır. Video mayın 17-də yayımlanıb və indiyədək 4 milyon 700 mindən çox dəfə baxılıb.
Videogörüntülərdə oğlan uşağı Putinin əlindən tutaraq ona müharibədə itirdiyi ailəsindən danışır, Almaniya kansleri Angela Merkel və Kanada baş naziri Castin Trudoya qaçqın axınları böhranını göstərir. Başqa səhnədə BMT baş katibi Antoniu Quterreşin Rohinca müsəlmanlarının təhlükəsizliyə çıxdıqlarını müşahidə etdiyi görünür.
Sonra, Şimali Koreya rəhbəri Kim Çen Inın oğlanın bombalanmış yataq otağının qalıqlarında dayandığını görərək kövrəlməsi əks olunub.
Oğlan sonra Fələstinli cəsur qız Ahed Təmimini sionisit İsrail həbsxanasından azad edir.
