Bəhram Qasimi bu gün ABŞ prezidenti Donald Trampın Əhatəli Müştərək Təşəbbüs Proqramından çıxması barədə deyib: Beynəlxalq ictimaiyyət bir daha Amerika dövləti xüsusiylə Tramp hökumətindən belə bir mesaj almış oldu ki, Amerika digər ölkələrin onun vədlərinə və anlaşmalarına arxayın ola biləcəyi qədər etimadediləsi deyildir. 

İİR XİN sözçüsü deyib: ABŞ dövləti göstərdi ki, Birləşmiş Millətlər Təşkilatının roluna  və Təhlükəsizlik Şurasının qərarına etina etmir və bu BMT-yə və bu beynəlxalq qurumun bütün üzvlərinə qarşı təhqirdir.

Qasimi İİR prezidentinin XİN-ə Avropa tərəfləri və Rusiya və Çin ilə müzakirələr aparmasına dayir verdiyi göstəriş barədə deyib: İran keçmişdə xüsusiylə son aylarda Avropa Birliyi və 3 Avropa ölkəsi, AB-nin nümayəndəsi ilə təmasda olduğu kimi qarşıdakı günlər və həftələr ərzində də bu təmasları daha ciddi şəkildə davam etdirəcək və yeni şəraiti yenidən araşdıracaq. 

İranın diplomatiya aparatının sözçüsü deyib: İran var gücü ilə ölkənin iqtisadi təməllərinin güclənməsi ilə nəticələnəcək müqavimət iqtisadiyyatı üzərində işləməyi davam etdirəcək.