Türkiyənin xarici işlər naziri fransalı yazıçı və siyasətçilərdən 300 nəfərin, o cümlədən bu ölkənin keçmiş prezidenti Nikola Sarkozinin bir bəyanat imzalayaraq, Qurandan bəzi ayələrin götürülməsini istəməsini kəskin tənqid atəşinə tutub. 

Mövldu Çavuşoğlu deyib: Bu şəxslərin gördükləri iş intellektual cəhalətdir.

Türkiyənin xarici işlər naziri dünən bir çıxışda əlavə edib: Sarkozinin də daxil olduğu nadan şəxslərdən bir qrupu Fransada Qurandan bəzi ayələrin götürülməsi zərurətini müdafiə edib.

Cavuşoğlu deyib: Məgər bizim müqəddəs kitabımız sizin yazı taxtanızdır ki, üzərində bir şeyi yaza və bir şeyi pozasınız? 

Türkiyənin xarici işlər naziri sonra belə qeyd edib: Onlar iddia ediblər ki, "Quranın bəzi ayələri yəhudiyə qarşıdır. Onlar tarix boyu yəhudilərə zülm ediblər".

Çavuşoğlu osmanlı imperiyasının tarix boyu yəhudilərin sığınacağı olduğunu vurğulayaraq, soruşub: Holokost Türkiyədəmi baş verib? Soyqırımları Türkiyədəmi baş verib?

O, habelə deyib: İsrail rejimi dövlətinin zülmlərilə müxalifik; amma eyni zamanda anti-yəhud deyilik.

Çavuşoğlu vurğulayıb: Fransalı yazıçı və siyasətçilər özlərinin son hərəkətlərilə ayaqlarını yorğanlarından kənara uzadıblar.