Afrin talan olunur – FOTO-VİDEO
Posted on : Digər sahələr 03/19/2018
Türkiyə tərəfindən dəstəklənən Azad Suriya Ordusunun üzvləri Afrində nəzarəti ələ keçirdikdən sonra şəhəri yağmalamağa başlayıblar.
FaktXeber.com-un məlumatına görə bu barədə Agence France Press xəbər yayıb.
Jurnalistlərin məlumatına görə, Afrinə girdikdən sonra silahlılar mağazalara, restoran və evlərə soxularaq ərzaq, elektron əşyalar, odeyallar və digər məhsulların talanına başlayıblar. Onlar qənimətləri avtomobillərə yığaraq şəhərdən çıxarıblar.
Britaniya-Сuriya Muşahidə Şurası terrorçuların özəl mülkləri, siyasi və hərbi obyektləri talan etmələri xəbərini təsdiqləyib.
Afrin sakinləri AFP-yə bildirib ki, silahlıların bir qisminin mağazaya soxularaq içərini yağmalamasını, digərinin isə küçədəki avtomobilləri oğurlamasının şahidi olub. AFP müxbiri həmçinin bildirib ki, terrorçular mağazaları da yandırıblar.
Bundan başqa Türk qoşunları və müttəfiqləri şəhərə girmələrini bayram edərkən kürdlərin mili qəhrəmanı, müqavimət simvolu olan dəmirçi Kavenin heykəlini gülləbaran edib, sonra isə yıxıblar. Bu hal ictimaiyyət tərəfindən kəskin qınaqla qarşılanıb.