İslaminSesi.info əl-Aləmə istinadla xəbər verir ki, bunu İranın Atom Enerjisi Agentliyinin mətbuat katibi Bəhruz Kəmalvəndi deyib.

 

B. Kəmalvəndi verdiyi müsahibə əsnasında ABŞ prezidenti Donald Trampın nüvə sazişindən çıxma təhdidləri haqda deyib;

 

“İranın hazırki sentrifuqaları sabiqkilərlə müqayisədə 20 qat artıq sürətlə işləyir. Əgər ABŞ nücə sazişindən çıxarsa İran record bir zaman əsnasında nüvə faliyyətini bərpa edəcək” deyə İran rəsmisi xəbərdalır edib.

 

Qeyd edək ki, Donald Tramp beynəlxalq ictimaiyyəti təmsil edən Altılıq dövlətlərinin İranla əldə etdiyi nüvə sazişini ABŞ tarixində ən faciəli anlaşma adlandırmışdı. Tramp ötən ilin noyabrında nüvə sazişinin araşdırılması, onda bəzi dəyişikliklərin həyata keçirilməsi (nüvə sazişinin müddətinin 2025-ə qədər deyil, daha da uzadılması və ya İranın ballistik raketlər proqramının sazişə əlavə edilməsi) istiqamətində ölkənin müvafiq qurumlarına tapşırıqlar vermişdi. Hazırda ABŞ nüvə sazişində dəyişiklik etmək və ya onu birdəfəlik ləğv etmək üçün Avropa ölkələrinə də təzyiqlər göstərməkdədir.