“İslam barış mahnısı” konfransında iştirak edən iranlı heyətin rəhbəri deyib: “İran İslam Respublikası həm işğal, həm də terrordan maddi və mənəvi əziyyətlər çəkmiş bir ölkədir.”Doktor Ruhullah Mütəfəkkirazad konfransdakı çıxışında İranın zülmə məruz qalmasına işarə etməklə yanaşı deyib: “İran İslam Respublikası işğal və terrorizmlə mübarizənin bayraqdarı, məzlumların himayədarıdır.

Bu dəstək təkcə söz səviyyəsində deyil, bizim ölkəmizin diplomatiyasının təməlidir.”Doktor Mütəfəkkirazad əlavə edib: “Zülmə məruz qalanlar bizim Azərbaycan Respublikasında can qardaşlarımız olduqda öhdəmizə olan vəzifə yüz dəfə artır.”Qarabağı qaytarmaq üçün Minsk qrupuna güvənməyi yersiz hesab edən universitet müəllimi deyib: “Minsk qrupu Qarabağı Azərbaycan Respublikasına qaytarmamaq prinsipi üzərində təşkil olub. İran və Türkiyə kimi region ölkələrinin bu qrupda yer almaması bu iddianı sübuta yetirir.”İranlı heyət üzvlərindən olan Hamid Xosrovşahi də çıxış edərək deyib: “Ötən illər ərzində İran İslam Respublikasında Xocalı faciəsi və Qarabağ işğalının açıqlanmasına aid çoxlu fəaliyyətlər göstərilmişdir. Ümidvaram, bu təlaşlar İslam ərazisinin bu hissəsinin işğaldan azad olunması ilə nəticələnsin.”Təbriz qəzetinin redaktoru çıxışının davamında deyib: “Doktor Cavad Heyət xatirə kitabında Ermənistanın Azərbaycana hücumu zamanı İranın Azərbaycan Respublikasına bir çox hərbi və digər yardımlarına toxunub