Hizbullahın siyasi müttəfiqi olan Livan prezidenti Aun, prezident sarayına girişdə ABŞ xarici işlər nazirini boş otaqda bir neçə dəqiqə gözlədib. Qabağına bir stəkan su belə qoyulmayan Tillersonun çətin anları televiziyadan canlı yayımlanıb.

FaktXəbər bildirir ki, mətbuatda yayımlanan fotoda ABŞ Dövlət katibi Reks Tilersonun prezident sarayında soyuq qarşılandığı görünüb.

Bu şəkildə, Tillerson, Mişel Aun ilə görüşdən əvvəl bir neçə dəqiqə gözləyir. Daha sonra Livanın xarici işlər naziri Cebran Basil otağa daxil olur və onunla salamlaşır. Bu isə diplomatik qaydalardan uzaq bir hərəkətdir.

Livan prezident administrasiyasının verdiyi açıqlamaya görə, diplomatik qaydalara görə heç bir protokol pozuntusuna yol verilməyib.

Tillerson ziyarətçi kitabında qeyd edib ki, cənab prezident, isti qarşılamaya və səmərəli müzakirəyə görə sizə təşəkkür edirəm.