İslamazeri.com İsrail mediasına istinadən xəbər verir ki, Knessetin (red: İsrail parlamenti)  Ərəb Koalisiyasındakı təmsilçələrindən olan Aida Tuma-Süleyman İsrail rejiminə qarşı sərt ittihamlar səsləndirib.

Növbəti plenar iclasda çıxış edən deputat  Aida Tuma-Süleyman İsraili İŞİD ilə əməkdaşlıqda ittiham edib.

"Sionist laqer"in deputatı Revital Svidin ərəb deputatı "Hizbullah", İrana dəstək verməkdə ittiham etməsindən sonra  Aida Tuma-Süleyman cavab olaraq deyib: "Bəsdirin yalan danışdınız. Mən bütün müharibələrə, bütün silahlanmaya qarşıyam. Bu mənim prinsipimdir. Mən dünyanın bütün suveren dövlətlərinə qarşı rasist və iddialı siyasət yürüdən, İŞİD kimi bütün ekstremist və terror qruplaşmaları ilə əməkdaşlıq edənlərə qarşıyam. Mən bu qruplaşmalarla əməkdaşlıq etməmişəm. BMT İsrail rejiminin bu tip qruplaşmalarla əməkdaşlığını qeydiyyata alıb."

Ərəb deputat sözlərinin davamında  "Bu sənədlər İsrail hökümətinin başda Netanyahu olmaqla İŞİD-dən neft alınmasını təsbit etmişdir. Ara-sıra İsrail höküməti suveren dövlətlərə hücum edir. Mən özümə ictimaiyyəti lazımsız konfliktdən, təxribat və avantürizmdən xəbərdar etməyi borc bilirəm.", -deyə qeyd edib.

Qeyd edək ki, Aida Tuma-Süleyman 1964-cü ildə xristian ərəb ailəsində dünyaya gəlib. Jurnalist və siyasətçidir. 1992-ci ildə Ərəb Feminist qrupunu təsis edib.