APA-nın verdyi məlumata görə, Beynəlxalq İqtisadiyyat Forumunda iştirak etmək üçün Davosa səfər edən Azərbaycan Respublikası prezidenti İlham Əliyev "Avrasiyanın Strateji Baxışları" adlı dəyirmi masada deyib: Azərbaycanda media azadlığını tənqid etmək üçün heç bir əsas yoxdur.

İlham Əliyev deyib: Azərbaycanda media azadlığının olmaması ilə bağlı tənqidlər son dərəcə ədalətsiz bir baxış üzərində formalaşıb və bəzi Qərb dairələri tərəfindən bu baxışa rəvac verilir.

Azərbaycan prezidenti daha sonra deyib: Azərbaycanda bütün azadlıqlar təmin edilib. Bu, media azadlığına da aiddir.

Qərb dairələri media azadlığından müstəqil ölkələrə qarşı bir təzyiq vasitəsi kimi istifadə edirlər. Və elə bu çərçivədə daim Azərbaycanı media azadlığına malik olmayan ölkə kimi qələmə verməyə çalışırlar.