Hüseynəli Əmiri: “Azərbaycanla əlaqələrin inkişaf etdirilməsi İranın strateji siyasətidir”
Posted on : iran 01/09/2018
Azərbaycan Respublikası ilə əlaqələrin inkişaf etdirilməsi İranın strateji siyasətidir
APA-nın Tehran bürosunun məlumatına görə, bunu bu gün İran prezidentinin müavini Hüseynəli Əmiri İranın Ərdəbil əyalətinə səfəri zamanı bildirib.
H.Əmiri qeyd edib ki, qonşu ölkələr arasında Azərbaycanla əlaqələrin gücləndirilməsinə xüsusi önəm verilir: “Azərbaycan Respublikası ilə əlaqələrin inkişaf etdirilməsi İranın strateji siyasətidir. Bu əlaqələrdən hər iki ölkə faydalanır”. O, Azərbaycan və İran prezidentlərinin iki ölkənin əlaqələrini gücləndirmək üçün dəfələrlə görüşdüyünü xatırladıb: “Dövlətimiz dəfələrlə Azərbaycan Respublikası ilə iqtisadi, ticari, siyasi və mədəni əlaqələri heç bir məhdudiyyət tətbiq etmədən inkişaf etdirməyə hazır olduğunu bildirib və son illər bu əlaqələrin sürətlə inkişafının şahidi olmuşuq”.