Səudiyyədə saxlanılan şahzadələr hoteldən həbsxanaya köçürülüb
Posted on : Digər sahələr 01/09/2018
Səudiyyə Ərəbistanı hakimiyyəti korrupsiya ittihamı üzrə saxladığı onlarla şahzadə, məmur və eks-nazirləri "Ritz-Çarlton" hotelindən xüsusi təhlükəli məhbuslar üçün nəzərdə tutulmuş Əl-Hair həbsxanasına köçürmək barədə qərar qəbul edib.
İslaminSesi.info "MİR24"-ə istinadla xəbər verir ki, bu barədə çərşənbə axşamı ərəbyönlü "Al-Araby Al-Jadeed" qəzeti yazıb.
Nəşrin mənbələri bildirirlər ki, həbsxanaya təxminən 60 nəfər köçürülüb. Onların arasında şahzadə-milyarder əl-Vəlid bin Təllal (hazırki kral Salman bin Əbdüləzizin qardaşı oğlu), şahzadəsi Türki bin Abdullah (sabiq kral Abdullah bin Əbdüləziz əl-Səudun (2005-2015) oğlu), eləcə də işləri üzrə məhkəməyədək hakimiyyətlə razılığa gəlməkdən imtina edən bir neçə digər yüksək vəzifəli şəxslər var.
Qeyd edək ki, daha öncə Səudiyyə prokurorluğu hökümətlə razılığa gəlməkdən imtina edənlərin məhkəmə qarşısında dayanacaqları barədə xəbərdarlıq etmişdi.
Əl-Həir həbsxanası 1983-cü ildə tikilib və Ər-Riyad şəhərindən 30 km cənubda yerləşir. Orada terrorizm və ekstremizmdən məhkum edilmişlər cəza çəkir.
