İslaminSesi.info-nun verdiyi məlumata görə, bunu yüksək vəzifəli rəsmiyə istinadla beynəlxalq "Asharq Al-Awsat" qəzeti bildirib.

Rəsmi bildirib ki, hazırda ABŞ administrasiyasında Suriya üzrə yeni strategiyanın qəbul edilməsi prosesi gedir. Suriyada Amerikanın mövqe dəyişikliyinin ilk "konkret əlaməti" müdafiə naziri Cim Mettisin SDQ-nin Suriyada nəzarət etdiyi bölgələrə "diplomatlar" göndərəcəyini deməsidir. 

Vaşinqton bundan əlavə İŞİD-dən sonrakı dövrdə yerli şuraların qüvvədən salınmasında israrlıdır. Onun sözlərinə görə, kürd qüvvələrinin nəzarətindəki əraziləri diplomatik cəhətdən tanımaq mərhələsinədək ABŞ-ın məqsədi Suriyada yenidənqurma təşəbbüslərini dəstəkləmək, ictimai xidmət və infrastrukturu gücləndirmək, qurmağı planlaşdırdığı dövlət orqanlarının hazırlığını aparmaq, SDQ sahələrini qorumaq və hərbi bazalarının təminatını təmin etməkdir.

Türkiyə Respublikası kürdlərin rəhbərliyindəki SDQ-ni rəsmən terrorçu hesab edir və onlara hərbi yardım göstərən ABŞ-a dəfələrlə etiraz edib.