Ayətullah İsa Qasimin səhhəti normallaşıb
Posted on : Digər sahələr 12/12/2017
Onun həyatı üçün təhlükə sovuşub
Ayətullah İsa Qasimin səhhəti normallaşıb
Maide.Az “İqna”-a istinadən xəbər verir ki, bunu Bəhreyn şiələrinin rəhbəri Ayətullah Şeyx İsa Qasimin İrandakı nümayəndəsi Şeyx Abdullah Daqqaq deyib.
A.Daqqaq deyib ki, Şeyx Qasimin əməliyyatdan sonra vəziyyəti normallaşıb. “O xəstəxanadan buraxılıb və Manamanın Diraz bölgəsindəki evinə aparılıb. Ali Xəlifə rejimi Şeyx İsa Qasimi yenidən ev dustaqlığında və mühasirədə saxlayır”.
A.Daqqaq Ayətullah İsa Qasimin ev dustaqlığına son qoyulmasının zəruriliyindən danışıb və deyib ki, onun mühasirədə və ev dustaqlığında saxlanılması səhhətindəki problemləri çoxaldır.
Qeyd edək ki, Bəhreyn Beynəlxalq xəstəxanasında Şeyx İsa Qasimin müalicəsini 10 həkim aparırdı və indi onun həyatı üçün təhlükə sovuşub.
