Suriyanın Sana rəsmi xəbər agentliyinin məlumatına görə, bu ölkənin xarici işlər nazirliyi çərşənbə günü gecə belə qeyd edib: Dəməşq Suriyanın suverenliyinə, müstəqilliyinə və ərazi bütövlüyünə hörmət edəcək və Suriya xalqının qanının axıdılmasının qarşısının alınmasında rol oynayacaq hər hansı bir siyasi hərəkəti alqışlayır.

İran İslam Respublikası, Türkiyə və Rusiya prezidentləri, Suriyadakı vəziyyəti araşdırmaq və bu ölkə böhranına son qoymaq üçün bir həlli yaratmaq məqsədilə çərşənbə günü Soçidə üçtərəfli bir görüş keçirdilər.

İran İslam Respublikasının prezidenti Həsən Ruhani, Rusiya prezidenti Vladimir Putin və Türkiyə prezidenti Rəcəb Tayyib Ərdoğan çərşənbə günü axşam bu görüşdən sonra Suriyanın suverenliyini, müstəqilliyini, birliyi və ərazi bütövlüyünü təsdiqləyən birgə bəyanatda terrorçu qrupların son məğlubiyyətinədək bir-birilərilə həmkarlıqlarını davam etdirmək barədə razılığa gəliblər.