Səudiyyə tutulan şahzadələri “sındırmağa” çalışır
Posted on : Digər sahələr 11/23/2017
Səudiyyədə anti-korrupsiya əməliyyatı zamanı həbs edilənlərə işgəncələr verilir.
İslamazeri.com-un “Daily Mail” qəzetinə istinadən verdiyi xəbərə əsasən, Səudiyyə Ərəbistanında keçirilmiş genişmiqyaslı anti-korrupsiya əməliyyatı zamanı həbs edilmiş yüksəkvəzifəli məmurlar, biznesmenlər və kral ailəsinin üzvləri işgəncələrə məruz qalırlar.
“Onları döyürlər, işgəncə verirlər, təhqir edirlər. Onları sındırmağa çalışırlar.”, - deyə bildirilir.
Maraqlıdır ki, qəzetin məlumatına görə, tutulanların saxlanıldığı otelin çölündə Səudiyyə Ərəbistanının xüsusi xidmət orqanlarının maşınlarının olmasına baxmayaraq, içəridə ABŞ-ın şəxsi hərbi şirkəti fəaliyyət göstərir.
Kral ailəsinin üzvlərinin dindirilməsində vəliəhd şahzadə Muhəmməd bin Salman Al-Səud şəxsən iştirak edir. Muhəmməd bin Salman bu yolla şahzadələrdən rüşvət almış xarici məmurlar şəbəkəsini ifşa edəcəyinə ümid edir.