İŞİD Suriyada işğal etdiyi son ərazi olan Əl Bukəmaldan, İraqda da Ravandan çıxarıldı. İki ölkədə İŞİD-in əlində heç bir yaşayış məntəqəsi qalmadığı halda, ABŞ-ın PKK və PYD-yə silah və sursat dəstəyi səngimir. Son dəstək 19 noyabr tarixində həyata keçirilib və 65 maşınlıq konvoy təslim edilib.

FaktXəbər-in məlumatına görə, İŞİD-dən müdafiə bəhanəsi ilə verilən bu silahlar verilməsi noyabrın 14-də həyata keçirilib. Həmin vaxt PKK-ya 73 maşın silah verilib. 

İŞİD terrorçuarının Suriyada Badiyə, İraqda isə Ənbar səhrasına qaçdıqları bildirilir. Gələn məlumatlarda həmçinin o da bildirilir ki, Fərat çayını keçən 250 İŞİD terrorçusu ABŞ bazasına sığınıb. Bundan əlavə, 700 terrorçunun da Rəqqadan ABŞ tərəfindən çıxarıldığı vurğulanır.

Rəqqanın şərqində yerləşən Tayyana, Süveydan, Şənnam, Şuheyl, Havaic və Şaniyyə bölgələrində 200-dən artıq ABŞ əsgərinin olduğu və Pentaqonun bölgədə 3 hərbi baza yaratdığı da gələn məlumatlar arasındadır.