İŞİD ailələrinin 300 üzvü ölkələrinə təhvil verilir - Aralarında azərbaycanlılar da var
Posted on : qafqaz 11/20/2017
İraqın hərbi mənbələri sentaybr ayında xəbər vermişdilər ki onlar Mosul əməliyyatı çərçivəsində İŞİD-çilərin ailələrinə mənsub 1400 qadın və uşağı nəzarətə götürüblər. İndi İraq rəsmi qurumları həmin ailələrdən 300-ü ikinci mərhələ olaraq ölkələrinə təhvil verir.
İslaminSesi.info bu barədə əl-Hədas telekanalına istinadla xəbər verir.
Mənbə İraqın müvafiq rəsmi qurumlarına istinadla xəbər verir ki, İŞİD-çilərin ailələrindən 300-ə yaxın qadın və uşaq Bağdada göndərilir ki ölkələrinə təhvil verilsin.
Neynəva əyalətinin şurasının sədr müavini Nuruddin Qablan FransPress-ə bildirib ki, bu ikinci mərhələdir, 3-cü və 4-cü mərhələlərdə ümumilkdə 1200 şəxs ölkələrinə təhvil veriləcək.
N.Qablan bəyan edib ki, onların arasında rusiyalı, tacikistanlı, azərbaycanlı və türkiyəlilər də var.
İŞİD-çilərin ailələrinin öz ölkələrinə qaytarılmasının birinci mərhələsində Azərbaycana 4 yaşlı Abdulla adlı uşaq göndərilmişdi.