Mehr xəbər agentliyinin verdiyi məlumata görə, Azərbaycanda yaşayan iraqlılar o cümlədən İraqlı tələbələr İraqın Bakıdakı səfirliyi önündə aksiya keçiriblər. 

İraqın Azərbaycandakı səfirliyinin müvəqqəti işlər vəkili Fadil Avad Əs-Suvəyli piket iştirakçıları qarşısında deyib: Bu aksiyanın keçirilməsində məqsəd İraqın ərazi bütövlüyü və milli hakimiyyətini himayədir. 

İraq səfirlyinin müvəqqəti işlər vəkili həmçinin, Kərkükdə müxtəlif xalqların nümayəndələrinin yaşadığına işarə edərək, İraq hökumətinin bu məntəqə ilə bağlı müsbət baxışa malik olduğunu bildirib və deyib: Neft ehtiyatları və sərhəd keçidləri bütün iraqlılara və İraq dövlətinə məxsusdur. 

O, Bakıda keçirilən aksiyada İraqda yaşayan bütün xalqların nümayəndələrinin iştirak etdiyini xatırladaraq, deyib: İraq xalqı öz ölkələrinin birliyi və ərazi bütövlüyünü yekdilliklə müdafiə edirlər.