Ərbəin zəvvarlarına 400-dən çox iranlı həkim xidmət göstərəcək
Posted on : Aşura 10/24/2017
“Ərbəin mərasimləri vaxtı zəvvarlara 400-dən çox həkim xidmət göstərəcək. Həkimlərin sayı bu il 30 faiz artıb.” Bunu İranın səhiyyə nazirinin müavini Qasim Canbabayi jurnalistlərə açıqlamasında deyib.
Maide.Az xəbər verir ki, Q.Canbabayi bu həkimlərin əksəriyyətinin İmam Hüseyn (ə) əzadarlarına könüllü olaraq və pulsuz xidmət göstərəcəyini açıqlayıb.
“İran –İraq sərhəd zonasında 5 təcili tibbi yardım vertolyotu xidmət göstərəcək. Mehran sərhəd buraxılış məntəqəsində 24 saat fəaliyyət göstərəcək xəstəxana fəaliyyət göstərir. Bundan başqa Xosrəvi sərhəd-buraxılış məntəqəsində də 24 saat fəaliyyət göstərən xəstəxana fəaliyyət göstərəcək”.
Q.Canbabayi əlavə edib ki, İraq ərazisində 40 tibbi xidmət göstərən qrup fəaliyyət göstərəcək. “İraq Səhiyyə Nazirliyi ilə müqavilə imzalamışıq və müqaviləyə əsasən Ərbəin günlərində İran təcili tibbi yardım avtomobilləri və tibb işçiləri sərhəddən keçidi asanlaşdırılıb, eləcə də dərmanların deposu və İraq ərazisinə idxalı problemsiz baş tutacaq”.
O əlavə edib ki, Kərbəla və Nəcəf şəhərlərində də İranlı həkimlər fəaliyyət göstərəcək və zəvvarla xidmət göstərəcək. “Zəvvarla məsləhətimiz budur ki, özlərinin gigiyenik təmizliyini qorusunlar. Quru meyvələr, çərəzlər və kanservalaşdırılmış yeməklərdən istifadə etsinlər. Çünki bu növ yeməklərin çirklənmə riski daha azdır.”
O həmçinin deyib ki, yoluxucu xəstəliklərin qarşısını almaq üçün sərhəddə lazer termometrləri quraşdırılıb.
Qeyd edək ki, İran KİV-lərinin məlumatına görə, oktyabr ayının 30-dan noyabr ayının 16-dək İran – İraq sərhədində yerləşən və Ərbəin zəvvarlarının keçidi üçün nəzərdə tutulan 4 sərhəd - buraxılış məntəqəsi istiqamətinə (Xosrəvi, Şələmçə, Mehran və Çəzabə) yük maşınlarının hərəkəti qadağan olunub. Bu qadağa xarab olan ərzaq məhsulları daşıyan və yanacaq daşıyan yük maşınlarına şamil olunmayacaq.
