Rəsa İnformasiya Agentliyinin məlumatına görə, Mosulun qərbinin azad olunması əməliyyatının komandanlarından Əbdülqəni əl-Əsədi Ayətullah Sistaninin nümayəndəsi Şeyx Əbdülmehdi Kərbəlayinin telefonla əlaqə saxladığını və Mosul azad olunduqdan sonra bölgənin vəziyyətinin araşdırıldığını deyib: O, Ayətullah Sistaninin komandanlar və döyüşçülərə təbrik müraciətini çatdırdı və onlara maddi və mənəvi dəstəyini qeyd etdi.

Əl-Əsədi deyib: İraq qüvvələri mərcəiyyətin ardıcılı olmaq və terrorizmlə mübarizə etmək üzrə öz əhd-peymanlarına sadiqdirlər.

İraq silahlı qüvvələri Dəclə çayının qərb sahilində Mosulun qədim hissəsinin İŞİD-in işğalında olan son məhəllələrini azad etməklə məşlğuldurlar və tezliklə Mosulda yekun qələbənin elan olunacağı gözlənilir.

İraq qüvvələri ötən cümə axşamı günü Mosulun qərbində Ən-Nuri məscidinə çatıblar və baş nazir Heydər əl-İbadinin dediyinə görə, bu müvəffəqiyyət Mosulda İŞİD-in sonu deməkdir.