Heydər Əliyevin hərbi müşavirinin dilindən Qarabağ müharibəsi haqqında deyilməmiş sözlər qalan rayonları da işğal edəcəkdilər
Posted on : Video 10/16/2017 1:00:25 PM
Qərb və ya İsrailin Qarabağı Azərbaycana qaytaracaqlarına dair Azərbaycan dövlət adamlarının fikri hesablama səhvindən irəli gəlir
Tashaio.com-Mansur Həqiqətpur İranın və mərhum Heydər Əliyevin Bakıdakı
keçmiş hərbi müşaviridir. O, İranın bacarıqlı hərbçilərindən biri, Ərdəbil əyalətinin
valisi və Ərdəbil əhalisinin deputatı olmuşdur. O hal hazırda İran milli məclisinin
təhlükəsizlik müşaviri kimi fəaliyyət göstərir. Biz onun müxbirlərə verdiyi
müsahibəsinin müəyyən hissələrini veririk:
SSRİ parçalandıqdan və
cənubi Qafqaz müharibəsindən sonralara aid İran-Azərbaycan əlaqələri haqqında
danışın. İran Azərbaycan respublikasını dəstəklədi. Mən Əliyevin hərbi müşaviri
idim. Heydər Əliyevə hərbi hesabat verəndə mənə deyirdi: siz Aşura ordusunu gətirin
və Qarabağı ələ keçirin. Ermənilərin əlində olmaqdansa İranın əlində olması
yaxşıdır. Mənə, niyə Bakıda şiələri axtarırsınız? Deyə müraciət edirdi. Mənə
deyirdi: Mən həm Heydərəm, həm də Əliyəm, iki dəfə şiəyəm!!
Yəni Heydər Əliyev rəsmən İran gəlsin Qarabağı alsınmı
deyirdi? Elədir, sözdə deyirdi. Mən isə hərbçiyəm deyirdim. Bunu yaz, ver
Tehranda dövlət başçılarına aparım. Əliyev isə bunu yazmır və yazılı sənəd vermək
istəmirdi. Elədir. Biz onları xəlas etdik. Yoxsa Ermənistan Bakını da alacaqdı.
Guya Azərbaycan respublikası Qarabağ müharibəsi dövründə
İrandan aldığı silahlarla əlaqədar borcludur? Bəli, indinin özündə də 30 milyon
dpllar borcludur. İran isə çox alicənabdır və bunun üstünü vurmamışdır. Bizim
yerimizə Türkiyə olsaydı ya borcunu alacaqdı, ya da ondan on qat artıq bir
imkan alacaqdı.
Azərbaycan respublikası əhalisinin tarix yaddaşı nə həddədir?
Regionda əhalinin hərbi iştirakı yadında deyilmi? Həqiqətpur: niyə. Mən “Azərbaycan
generalı” adlı iki dəqiqəlik film yayımladım. Film İranın Qarabağ müharibəsində
hərbi müşavirləri haqqında idi. Dedim ki, bu film 2000 dəqiqəlikdir. Mən yalnız
iki dəqiqəsini yayımlayıram. Bakıda əyləşib İranın ali dövlətinə qarşı mənfi təbliğat
aparanların nə özləri, nə də ailə üzvləri müharibədə iştirak etməmişlər. Mənim
maşınım isə Qarabağ müharibəsində minaya düşərək tikə-tikə oldu. Biz bakıda
6500 nəfərə təlim verdik. O günlər əsgərləri Bakı küçələrində sıralayırdıq və
camaat bunu görürdü.
Bəs İran müşavirlərinin rolu, onların verdiyi təlimlər iki
qonşu ölkənin müharibəsində tərəfsizliyi pozmaq deyildimi? Həqiqətpur: biz tərəfsiz
deyildik. Biz, Azərbaycanın itirdiyi torpaqları geri almasını və onların
arasında sülh yaratmağı istəyirdik.
Belə çıxır ki, İlham Əliyev hakimiyyətə gəldikdən sonra Heydər
Əliyevin siyasət oyunları da buraxıldı. İlham Əliyevin İsraillə yaratdığı əlaqə
adi həddi aşmış və İran əlihinə düşmənçilik mövqeyindədir. Sizcə hal hazırda Azərbaycanla
münasibətimiz nə cür olmalıdır? Həqiqətpur: İlham Əliyev cənabları dostu düşməndən
düzgün seçmək bacarığına malik deyildir. İranın kömək edə biləcəyinə inanmır.
Biz, 2000 kilometrlik məsafədən Suriyaya yardım edirik, İraqa kömək edirik.
Bunlar hələ İlham Əliyevdə inam yaratmamışdır. Yoxsa başa düşməyə bilməzdi ki,
regionun kömək edəcək ən yaxşı ölkəsi İrandır və İrana arxalana bilər.
Hələ də Azərbaycan respublikasının bir çox həyati problemləri,
misal üçün Naxçıvan –Bakı əlaqələri İran ərazisi vasitəsilə həyata keçirilir.
Doğrudan da Azərbaycan dövləti İranın o ölkənin siyasi həyatındakı rolunu
bilmirmi? Həqiqətpur: Yox. Məncə onlar bunu bilmirlər. Buna görə də bizimlə
iqtisadi, siyasi və mədəni sahələrdə ciddi əməkdaşlıq etməyəcəklər. Onlar
İsrailə və Minsk qrupuna arxayındırlar. Və qərblilərin Qarabağı alacaqlarına
inanırlar. Bu isə bir hesablama səhvidir. Qərb Azərbaycan üçün belə işi görməyəcəkdir.
İranın Azərbaycana etdiyi çoxlu yardımlara rəğmən niyə
onların tərəfindən İrana qarşı bu qədər əks təbliğat gedir? Bu, Azərbaycan rəsmilərinin
və dövlətinin tərəfindən qədrbilməməzlikdir. İran mənim vasitəmlə mina ilə dolu
təyyarələri və o silahları Rövşən Cavadova verməsəydi ermənilər qalan rayonları
da işğal edəcəkdilər. İran (aypara cəmiyyəti) mənim vasitəmlə 100 min nəfər
Qarabağ didərginlərini İmişlidə yerləşdirməsəydi, yemək-içməklərini və təhlükəsizliklərini
təmin etməsəydi, onlar gedib prezident sarayını Heydər Əliyevin başına
uçracaqdılar. Onlar isə İran əleyhinə dünya azərbaycanlılar koqresini keçirirlər!
Bu işi torpağının dörddə birini itirən dövlət edir!
Son sual olaraq İmişli düşərgəsi və didərginlərə yardım
haqında bir az ətraflı danışın: Qarabağda yaranmış vəziyyətlə əlaqədar didərginlərin
çoxunun İrana axacağını praqnozlaşdırdığımıza görə İran çox münasib bir tədbir
tökdü. Həmin tədbirə əsasən Aypara cəmiyyəti sərhəddin yaxınlığındakı İmişli
rayonunda bir yer hazırladı və didərginləri orada yerləşdirildi. Onlar buranın yaşayış
və təlim imkanlarından istifadə etdilər. Su, işıq, yemək və çadır İran tərəfindən
təmin olundu. Bu yardım vaxtı ilə Bakının didərginləri qəbul etmək imkanına
malik olmadığından çox həyati xarakter daşıyırdı. Bizə, yerindəcə didərginlərə
yardım etmək və onların səpələnməsinə mane olmaq əhəmiyyətli idi.