“Bloomberg”-ə istinadən, Səudiyyə Ərəbistanı rəhbərliyi benzin və aviasiya yanacaqlarına tətbiq edilən subsidiyalar proqramının ləğv edilməsinin mümkünlüyünü müzakirə edir.

 

Mənbənin məlumatına görə, beynəxalq standartlara uyğun olaraq, Səudiyyə Ərəbistanı yanacağın qiymətlərini noyabr ayında qaldırmaq niyyətindədir. Bu isə o deməkdir ki, krallıqda benzinin qiyməti 80 faiz artacaq. Hazırda isə buradakı qiymət dünyanın ən aşağı qiymətlərindən biridir.

 

Xatırladaq ki, Səudiyyə Ərəbistanında benzinin qiyməti dövlət tərəfindən nizamlanır.  Krallıq benzin, dizel yanacağı, elektrik enerjisi və təbii qaz subsidiyalarına hər il təqribən 60 milyard dollar xərcləyir. Bu isə ümümi daxilin məhsulun (ÜDM) 10 faizi deməkdir.

 

Qeyd edək ki, ölkə rəhbərliyi 2015-ci ilin sonunda 95-ci benzinin bir litrinin qiymətini 16 sentdən 24 sentə qaldırmışdı./ İslamazeri.com